FAISAL ALFANDI المــــديـــر العـــام
عدد المساهمات : 101 نقاط : 223 السٌّمعَة : 0 تاريخ التسجيل : 08/10/2012
| موضوع: قصيدة الشاعر حـــامـــد زيـــد ( تبـيــنــي صـــدق ) الخميس نوفمبر 01, 2012 5:09 am | |
|
الاخوة اعضاء المنتدى والزوار الكرام
اسعد الله كل اوقاتكم بكل خير .. انقل لكم اليوم رائعه من روائع الشاعر حـــامـــد زيــــد ,,,
اتركم مع القصيدة ,,,
تبيني صدق وإلا ما تبين قبل لا أبهذلك وتبهذليني وقبل لا أفقد شموخي واحترامي وقبل لا أشمت العذال فيني أنا داخل عليك من الفضايح تبيني صدق والا ما تبيني أنا ماني بلعبه في يدينك متى ما تعشقيني تعشقيني أبيك ان كان جيتيني حبيبه تجيني بصدق ولا لا تجيني أنا ما أجرح مشاعر من عشقني ولا أرضى لي عشقتك تجرحيني ما دام أني عطيت بكل قلبي مثل ما عطيك من قلبي عطيني وإذا بعت العذارى واشتريتك تبيعين الرجال وتشتريني عشان أكون صادق لي عشقتك و عشان أريحك واتريحيني
دخيل الله وقولي وبصراحه تبيني صدق والا ما تبيني أنا ما جيت ابي ألعب وتسلا أنا جيت أحتويك وتحتويني
تبيني مثل كل الناس والا تبيني أقدرك واتقدريني
مثل ما استحملك لامن زعلتي إلى مني زعلت استحمليني
عرفتيني وأنا رجال وافي وأنا وافي قبل لا تعرفيني
أحب الصدق لو هو من عدوي وأعاف الكذب لو من والديني
مثل ما أقبل بليني وبشموخي لو أكره رحت بشموخي وليني
إذا عن عاذلي ديني ودينه وإذا عن غيرتي دينه وديني
أنا لي ثارت الغيره بقلبي تقول الجن الأزرق معتريني
أبي وأنتي معي منتي لغيري وإذا كنتي لغيري جنبيني
أغيب وتذكريني بالحشيمه ولا أمرح في ذراك وتلعنيني
طويلين الشوارب ما احقروني تبيني أنتي تجين وتحقريني
إذا نفسي رضت لي بالمذله أبذبحني قبل لا تذبحيني
مادام أني وفي كوني وفيه لاني ما أخدعك ولا تخدعيني
أنا لي أخذت قدري واحترامي خذيني مثل ما تب تاخذيني
تبين بخوتي سيف(ن) مجرب وإذا بمروتي ليث بعريني
فأن ألفيتني شهما شجاعا فليس البر أن تستضعفيني
فأني ذقت بالآلام ذرعا وما في الغدر قمح يتقيني
أكف الدم لحزنا بعد حزن عشقت القمعا حينا بعد حيني
لعمري كم حيوت الناس قلبا وما في الناس قلب يحتويني
أنا الحزن الذي لا حزن بعدي ولا يغني حنين عن حنيني
فلا من كان قبلي كان قبلي ولا من قد يليني قد يليني
أنا المملوء حزنا وانكسارا وما فرطت في عرضي وديني
أنا المختال من فخري بفقري وتبت كل عين تزدريني
أنا من ذاق ملئ الأرض هونا وما أخضعت للدنيا جبيني
فإن جاءت بي الأقدار يوما أجوب الأرض خوفا من أنيني
فروفي واحفظي لي ماء وجهي ولاتخشيني واخشي الله فيني
فلو أني رجوت الله شيئا فأرجوا الله أن لا تظلميني
علشان ان عشقت اعشقك كلي أبيك كلك تجين وتعشقيني
فلا تقفي عيونك عن عيوني ولا تدفي يديك ألا يديني
أكون أقرب لقلبك من عروقك وأحسك بين شرياني وبيني
اسامح لك خطاك اليا خطيتي وأنا لا من خطيت تسامحيني
ولك مني عهد ما أصد عنك وأبي منك عهد ما تخذليني
عشان أبقى معاك العمر كله وأشيل محبتك برموش عيني
أنا بحلف يمين أني لصونك فلا أخونك ولا أرد بيميني
وعساني للهلاكـ أن خنت وأنتي عسى الله يلعنك لو تتركيني
......................................................................
امل ان تنال اعجابكم ,,,,
| |
|
Nwaf مشرف قسم
عدد المساهمات : 38 نقاط : 58 السٌّمعَة : 0 تاريخ التسجيل : 08/10/2012
| موضوع: رد: قصيدة الشاعر حـــامـــد زيـــد ( تبـيــنــي صـــدق ) الأحد نوفمبر 04, 2012 5:56 pm | |
|
تبيني صدق وإلا ما تبين قبل لا أبهذلك وتبهذليني
قصيدة رائعه من روائع الشاعر حامد زيد
يعطيك العافيه طال عمرك على القصيدة
تقبل مروري.... | |
|
RASHA مشرفة قسم
عدد المساهمات : 71 نقاط : 113 السٌّمعَة : 0 تاريخ التسجيل : 09/10/2012 الموقع : جدة
| موضوع: رد: قصيدة الشاعر حـــامـــد زيـــد ( تبـيــنــي صـــدق ) الأربعاء نوفمبر 07, 2012 7:34 am | |
| أحب الصدق لو هو من عدوي وأعاف الكذب لو من والديني صح لسان الشاعر من روائع قصائدة ... يعطيك العافيه مديرنــا... | |
|
FAISAL ALFANDI المــــديـــر العـــام
عدد المساهمات : 101 نقاط : 223 السٌّمعَة : 0 تاريخ التسجيل : 08/10/2012
| موضوع: رد: قصيدة الشاعر حـــامـــد زيـــد ( تبـيــنــي صـــدق ) السبت نوفمبر 10, 2012 1:03 pm | |
| - Nwaf كتب:
تبيني صدق وإلا ما تبين قبل لا أبهذلك وتبهذليني
قصيدة رائعه من روائع الشاعر حامد زيد
يعطيك العافيه طال عمرك على القصيدة
تقبل مروري....
الله يعافيك
شاكر ومقدر لك المرور ...
| |
|
FAISAL ALFANDI المــــديـــر العـــام
عدد المساهمات : 101 نقاط : 223 السٌّمعَة : 0 تاريخ التسجيل : 08/10/2012
| موضوع: رد: قصيدة الشاعر حـــامـــد زيـــد ( تبـيــنــي صـــدق ) السبت نوفمبر 10, 2012 1:04 pm | |
| - RASHA كتب:
أحب الصدق لو هو من عدوي وأعاف الكذب لو من والديني صح لسان الشاعر من روائع قصائدة ... يعطيك العافيه مديرنــا...
الله يعافيك مشرفتنا
اشكرك ع المرور ...
| |
|